صنم جاوید کی تین حلقوں سے کاغذات نامزدگی مسترد کرنے کے خلاف اپیلیں خارج

لاہور(صباح نیوز) لاہور ہائیکورٹ کے اپیلٹ ٹریبونل نے پی ٹی آئی کی کارکن صنم جاوید کے حلقہ این اے 119 اور 120 اور پی پی 150سے کاغذات مسترد کرنے کے خلاف اپیلیں خارج کیں،اپیلٹ ٹریبونل لاہور نے صنم جاوید خان کے کاغذات نامزدگی مسترد کرنے پر ریٹرننگ افسر کا فیصلہ برقرار رکھا ہے۔۔ اپیلٹ ٹریبونل کے جج جسٹس طارق ندیم نے کیس کا فیصلہ سنایا۔واضح رہے کہ صنم جاوید نے جیل سے الیکشن لڑنے کا اعلان کرتے ہوئے این اے 119 اور 120 سے کاغذات جمع کروائے تھے۔ انہوں نے مریم نواز کے مقابلے میں بھی الیکشن لڑنے کا اعلان کیا تھا۔