کچے میں ڈیوٹی کیلئے جانیوالے پنجاب کانسٹیبلری کے 25 اہلکار راستے میں ہی اتر گئے

لاہور (انتخاب نیوز) کچے میں ڈیوٹی کیلئے بھجوائے گئے پنجاب کانسٹیبلری کے اہلکار راستے میں ہی اتر گئے۔ پولیس رپورٹ کے مطابق فاروق آباد ٹریننگ اسکول کانسٹیبلری سے جانے والے 25 اہلکار راستے میں بس سے ا±ترگئے۔ پولیس رپورٹ میں بتایا گیا ہے کہ اہلکاروں کو 4 روز قبل روانہ کیا گیا تھا، 25 اہلکار ظاہرپیرانٹرچینج کے قریب اترگئے۔ پولیس رپورٹ میں کہا گیا ہے کہ متعلقہ انچارج نے راستے میں اترنے والے اہلکاروں کے خلاف کارروائی کی سفارش کردی۔ دوسری جانب ضلعی پولیس آفیسر رحیم یار خان نے تردید کی اور کہا کہ فاروق آباد سے روانہ ہونے والے تمام اہلکار ڈیوٹی پر ہیں، کچے میں جرائم پیشہ افراد کےخلاف پوری طاقت سے نبرد آزما ہیں۔