شمالی وزیرستان، کسٹم انسپکٹر ڈرائیور سمیت اغوا

پشاور(مانیٹرنگ ڈیسک)شمالی وزیرستان میں غیر معمولی سیکیورٹی اقدامات کے باوجود شرپسندوں کی سرگرمیاں جاری ہیں۔ شمالی وزیرستان کے ایک علاقے سے نامعلوم شرپسندوں نے کسٹم کے محکمے سے تعلق رکھنے والے ایک انسپکٹر کو ڈرائیور سمیت اغوا کرلیا۔انسپکٹر طفیل اور اس کے ڈرائیور کو کھجوری چیک پوسٹ کے نزدیک سے اغوا کیا گیا۔ اغوا کار کسٹم انسپکٹر اور اس کے ڈرائیور کو نامعلوم مقام کی سمت لے گئے۔سیکیورٹی فورسز نے دونوں مغویوں کی بازیابی کے لیے سرچ آپریشن شروع کردیا ہے۔ چند علاقوں میں کامبنگ کی کی جارہی ہے۔