کوئٹہ ،ہنی ٹریپ کے ذریعے بلیک میلنگ اور بھتہ خوری میں ملوث ملزم گرفتار

کوئٹہ(یو این اے )ایف آئی اے سائبر کرائم سرکل کوئٹہ نے ہنی ٹریپ کے ذریعے بلیک میلنگ اور بھتہ خوری میں ملوث ملزم گرفتار کرلیا۔ترجمان ایف آئی اے کے مطابق منظم ہنی ٹریپ کے ذریعے شہری کو بلیک میل کرنے پر گرفتار کیے گئے ملزم کی شناخت محمد بلال کے نام سے ہوئی۔ ملزم نے خود کو خاتون ظاہر کر کے متاثرہ شہری کو اپنے جال میں پھنسایا تھا۔ایف آئی اے ترجمان نے بتایا کہ ملزم نے خاتون کے نام سے فیس بک اکانٹ کے ذریعے متاثرہ شہری سے رابطہ کیا اور اس کو ملاقات کے بہانے گھر بلا کر زبردستی نازیبا ویڈیو ریکارڈ کی۔ترجمان نے بتایا کہ ملزم نازیبا ویڈیوز کے حوالے سے متاثرہ شہری کو بلیک میل کر رہا تھا اور اس نے ویڈیو وائرل کرنے کی دھمکی دے کر 15 لاکھ روپے کا مطالبہ کیا تھا۔ایف آئی اے نے جدید ٹیکنالوجی کو بروئے کار لاتے ہوئے ملزم کو کوئٹہ سے گرفتار کیا گیا۔ ملزم کے زیر استعمال ڈیجیٹل ڈیوائسز قبضے میں لے لی گئیں۔ترجمان نے بتایا کہ ملزم کے قبضے سے قابل اعتراض مواد اور بلیک میلنگ کے شواہد بھی برآمد کیے گئے۔ ملزم کو گرفتار کر کے تفتیش کا اغاز کر دیا گیا ہے اور اس کے نیٹ ورک میں ممکنہ طور پر ملوث دیگر ملزمان اور مزید متاثرین کی جانچ پڑتال جاری ہیے۔