حب، جھاڑیوں میں چھپائی گئی 2.5 ملین روپے مالیت کی اعلیٰ کوالٹی کی شراب برآمد

حب (نمائندہ انتخاب) کوسٹ گارڈزکی گڈانی میں کاروائی جھاڑیوں میں چھپائی گئی بھاری مقدار میں اعلیٰ کوالٹی کی غیرملکی شراب برآمد کرلی،قبضے میں لینے گئی شراب کی مالیت عالمی مارکیٹ 2.5ملین روپے لے لگ بھگ ہے اس حوالے سے ترجمان کوسٹ گارڈز کے جاری ایک پریس ریلیز کے مطابق کوسٹ گارڈز اپنے فرائض منصبی کی ادا ئیگی کرتے ہو ئے منشیات کی اسمگلنگ کے خلاف برسرپیکار ہے۔ گزشتہ روز کوسٹ گارڈزنے اپنی انٹیلی جنس ذرائع کی بنیاد پر کاروائی کرتے ہوئے اوتھل (بلوچستان) کے علاقے گڈانی میں کاٹنوں میں چھپائی گئی 575 بوتلیں اعلیٰ کوالٹی کی غیر ملکی شراب اور582 کین بئیر کے برآمد کرلئے۔ خدشہ ہے کہ یہ شراب اندرون ملک اسمگل کی جا رہی تھی۔ پکڑی جانے والی شراب کی عالمی مارکیٹ میں مالیت 2.5ملینروپے کے لگ بھگ ہے۔ مذکورہ شراب کو قبضے میں لے کر قانونی کاروائی کا آغاز کر دیا گیا ہے۔ ڈائریکٹر جنرل کوسٹ گارڈز نے ٹیم میں شامل آفیسرز اور جوانوں کی کارکردگی کو بے حد سراہا۔واضح رہے کہ کوسٹ گارڈز ہر قسم کی منشیات اور غیر قانونی اشیا کی اسمگلنگ کی روک تھام کے لیے ہمہ وقت مصروف عمل ہے اور ملکی معشیت کو مستحکم کرنے میں اپنا کردار ادا کرتی رہے گی۔