سرفراز بگٹی اور مولانا فضل الرحمان کی ملاقات، بلوچستان میں امن و امان کی صورتحال پر گفتگو

کوئٹہ (این این آئی) وزیراعلیٰ بلوچستان میر سرفراز بگٹی کی جمعیت علماءاسلام کے سربراہ مولانا فضل الرحمان سے ملاقات، بلوچستان میں امن و امان اور مجموعی صورتحال پر تبادلہ خیال کیا گیا ۔ تفصیلات کے مطابق وزیراعلیٰ بلوچستان میر سرفرا ز بگٹی نے کوئٹہ میں جمعیت علماءاسلام کے سربراہ و رکن قومی اسمبلی مولانا فضل الرحمن سے ملاقات کی۔ ملاقات میں بلوچستان میں امن و امان اور مجموعی صورتحال پر تبادلہ خیال کیا گیا۔ اس موقع پر گفتگو کرتے ہوئے وزیراعلیٰ میر سرفراز بگٹی نے کہا کہ صوبے میں دیرپا امن اور ترقی کے لیے تمام اسٹیک ہولڈرز کو مل کر کام کرنا ہوگا، دہشت گردوں کے عزائم ناکام بنائیں گے، وزیراعلیٰ نے کہا کہ بلوچستان کو پرامن اور خوشحال صوبہ بنائیں گے۔ملاقات میں جمعیت علمائے اسلام بلوچستان کی صوبائی قیادت بھی شریک تھی ۔