قلات میں بھتہ گیری اور بلیک میلنگ میں ملوث گروہ کا سرغنہ ساتھی سمیت گرفتار

قلات (این این آئی) قلات پولیس نے کارروائی کرتے ہوئے بھتہ گیری اور بلیک میلنگ میں ملوث گینگ کا سرغنہ ساتھی سمیت گرفتار کرلیا۔ ذرائع کے مطابق ملزم کالعدم تنظیم کے نام پر بڑے بڑے زمینداروں کو بلیک کرکے لاکھوں روپے طلب کرتا تھا، ملزم پیسے نہ دینے کی صورت میں فون پر جان سے مارنے کی دھمکی دیتے تھے۔ قلات پولیس کے ایس پی شہزاد اکبر نے کہا ہے کہ قلات پولیس نے انٹلیجنس بیس اور جدید ٹیکنالوجی کا استعمال کرتے ہوئے بھتہ گیر گینگ کے سرغنہ کو گرفتار کرلیا ہے۔ایس پی کا کہنا تھا کہ ملزم کالعدم تنظیم کے نام پر قلات کے تاجروں بڑے زمینداروں اور ہندو برادری سے لاکھوں روپے بھتہ طلب کرتا تھا اور بھتہ نہ ملنے پر جان سے مارنے کی دھمکی دیتا تھا۔ انہوں نے بتایا کہ ملزم نے ہندو ڈاکٹر کو بھتہ نہ دینے پر اس کے کلینک پر فائرنگ بھی کی تھی جس سے ہندو ڈاکٹر محفوظ رہا تھا۔ایس پی شہزاد اکبر کے مطابق ایس پی شہزاد اکبر کی ہنگامی پریس کانفرنس کرتے ہوئے مزید کہا کہ زمینداروں کی جانب سے اطلاعی رپورٹ درج کرنے پر پولیس نے 24 گھنٹے کے اندر اندر بلیک میلر کو ساتھی سمیت گرفتار کرلیا ہے، علاوہ ازیں ملزم سے متعلقہ فون بھی برآمد کرلیا گیا۔ان کا مزید کہنا تھا کہ ملزم سے متعلقہ فون بھی برآمد کیا گیا کہ جس کے ذریعے وائس تبدیل کرکے ٹھیکیداروں اور زمینداروں کو بلیک میل کرتا تھا۔ انہوں نے کہا کہ جرائم پیشہ افراد کی سرکوبی کے لیے قلات پولیس ہمہ وقت تیار ہے۔