وادی تیرہ میں خوارج کی فائرنگ سے بے گناہ اور پرامن شہریوں کی شہادت پر افسوس ہے، وزیراعظم

اسلام آباد (انتخاب نیوز) وزیراعظم شہباز شریف کا وادی تیرہ کے علاقے باغ میدان میں خوارج کی فائرنگ سے بے گناہ معصوم اور پرامن شہریوں کی شہادت پر اظہار افسوس۔ وزیراعظم نے زخمیوں کو فوری طبی امداد فراہم کرنے کی ہدایات دیں۔ وزیراعظم نے خوارج کی جانب سے پرامن شہریوں پر فائرنگ کی شدید الفاظ میں مذمت کرتے ہوئے کہا کہ دہشت گردوں کے مکروہ عزائم ہمارے عزم کو متزلزل نہیں کرسکتے۔ وزیراعظم نے کہا کہ دہشت گردوں اور دہشت گردی کو منطقی انجام تک پہنچا کر دم لیں گے۔