محکمہ کھیل بلوچستان میں مبینہ کرپشن اور اختیارات کا ناجائز استعمال، اینٹی کرپشن نے تحقیقات شروع کردی، تمام ریکارڈ طلب

کوئٹہ (ویب ڈیسک) اسپورٹس ڈپارٹمنٹ میں مبینہ کرپشن اور اختیارات کے ناجائز استعمال کا انکشاف۔ اینٹی کرپشن بلوچستان نے محکمہ کھیل کو نوٹس جاری کردیا۔ اینٹی کرپشن اسٹیبلشمنٹ نے اسپورٹس ڈپارٹمنٹ سے مکمل ریکارڈ طلب کرلیا۔ 2024ءسے اب تک کے تمام اسپورٹس ایونٹس اور فنڈز کی تفصیلات مانگ لی گئیں۔ کھیلوں کے فنڈز میںخورد برد کے الزامات کے تحت تحقیقات کا دائرہ وسیع کردیا گیا۔ اسپورٹس ایونٹس، کھلاڑیوں اور نتائج کا مکمل ڈیٹا فراہم کرنے کی ہدایت۔ اسپورٹس ڈپارٹمنٹ سے بجٹ، اخراجات، اسپانسرشپ ریکارڈ، 2024ءاور 2025ءمیں کی گئی تمام خریداریوں کی تفصیلات طلب کرلیں۔ اسٹیڈیمز، گراﺅنڈز اور اسپورٹس سامان کے ریکارڈ کی جانچ کا بھی فیصلہ کیا گیا۔