اثاثوں کی تفصیلات جمع نہ کرانے پر خالد مقبول صدیقی، اختر مینگل کی رکنیت معطل

اسلام آباد (ویب ڈیسک) الیکشن کمیشن نے 159 ارکان پارلیمنٹ اور صوبائی اسمبلی کی رکنیت معطل کردی، رکنیت گوشوارے جمع نہ کرانے پر کی گئی۔ قومی اسمبلی کے 32 پنجاب اسمبلی کے 50، سندھ اسمبلی کے 33، کے پی اسمبلی کے 28، بلوچستان اسمبلی کے 7، سینیٹ کے 9 ارکان کی رکنیت معطل کی گئی۔ قومی اسمبلی کے رکن سید علی موسیٰ گیلانی، سید عبدالقادر گیلانی، خالد مقبول صدیقی، اختر مینگل کی رکنیت معطل کی گئی ہے۔ رکن پنجاب اسمبلی رانا سکندر حیات، عدنان ڈوگر، عامر حیات اور رکن سندھ اسمبلی آغا شہباز درانی، قائم علی شاہ، تیمور تالپور اور سعید غنی سمیت دیگر کی رکنیت بھی معطل کی گئی ہے۔