بلاول بھٹو زرداری نے سرکاری ملازمین کے احتجاج کی حمایت کا اعلان کردیا

اسلام آباد: چیئرمین پاکستان پیپلزپارٹی بلاول بھٹو زرداری نے سرکاری ملازمین کے احتجاج کی حمایت کا اعلان کردیا۔ اس حوالے سے تفصیلات میں بتایا گیا ہے کہ بلاول بھٹو زرداری نے کہا کہ پیپلزپارٹی لیڈی ہیلتھ ورکرزسمیت تمام سرکاری ملازمین کیمسائل ہرفورم پراٹھائے گی،کیوں کہ ترقیاں،پنشن اورمساوی مراعات وفاقی حکومت کیملازمین کیحقوق ہیں، پی ٹی آئی حکومت سرکاری ملازمین اورلیڈی ہیلتھ ورکرزکیجائزمطالبات تسلیم کرے۔دوسری طرف وفاقی دارالحکومت میں لیڈی ہیلتھ ورکروں اور سرکاری ملازمین کے احتجاج کے پیش نظر ریڈ زون کو کنٹینرز لگا کر سیل کردیا گیا۔ اس حوالے سے تفصیلات میں بتایا گیا ہے کہ اسلام آباد میں ڈیلی ویجزاساتذہ ، لیڈی ہیلتھ ورکرز اور کلرک ایسوسی ایشن کی طرف سے آج اپنے مطالبات کے حق میں احتجاج کیا جارہا ہے ، جس کے پیش نظر وفاقی دارلحکومت کی انتظامیہ نے ڈی چوک آنے والے تمام راستے کنٹینیرز لگا کر بند کر دئیے ، جب کہ مظاہرین کو روکنے کے لیے میریٹ ہوٹل، ڈی چوک، نادراچوک ، سرینا چوک میں بھی کنٹیرز رکھ دئیے گئے ہیں ، اس کے ساتھ ساتھ ریڈ زون کے راستوں میں خار دارتاریں اورواٹرکینن اور قیدیوں کی گاڑیاں بھی پہنچادی گئی ہیں۔یاد ہے کہ تنخواہوں میں اضافے اور مساوی حقوق کے لیے سرکاری ملازمین سراپا احتجاج ہیں ، چند روز قبل بھی سرکاری ملازمین پارلیمنٹ ہاؤس کے سامنے پہنچ گئے تھے ، تاہم مظاہرین کو ڈی چوک میں روک لیا گیا تھا ، پولیس نے مظاہرین کو مزید پیش قدمی سے روک دیا تھا ، اور مظاہرین کو منتشر کرنے کے لیے پولیس کی جانب سے واٹر کینن کا استعمال بھی کیا گیا ، بتایا گیا ہے کہ مظاہرین بڑی تعداد میں شہر اقتدار میں پہنچی تھی ، سرکاری ملازمین نے مطالبہ کیا کہ ہماری تنخواہوں میں اضافہ کیا جائے ، دوران احتجاج مظاہرین کا کہنا تھا کہ ہمیں مساوی حقوق دئیے جائیں۔