ہم چاہتے تو اسلام آباد پر حملہ کرسکتے تھے، میاں افتخار حسین

پشاور: پی ڈی ایم ترجمان اور اے این کے رہنما میاں افتخار حسین نے کہا ہے کہ ہم چاہتے تو اسلام آباد پر حملہ کر دیتے، لیکن ہم نے ایسا نہیں کیا۔ وزیراعظم کے بیان پر تنقید کرتے ہوئے میاں افتخار حسین کا مزید کہنا تھا کہ ہم چاہتے تو پہیہ جام کر سکتے تھے، عمران خان کی طرح عدالتیں بند اور سول نافرمانی کا اعلان سکتے تھے مگر ہم نے تو ایسا کچھ بھی نہیں کیا۔اگر یہ لوگ آئینی اور جمہوری راستے بند کرکے حکومت کی عمر کو بڑھانے کی کوشش کر رہے ہیں تو یہ ناجائز اور بد نیتی پر مبنی ہے۔ اپوزیشن اس کو نہیں مانتی، ہم سمجھتے ہیں کورونا سے زیادہ عمران خان کی حکومت اس ملک کیلئے زیادہ خطرناک ہے۔ #/s#