ملک میں 24 گھنٹوں کے دوران کورونا کے 1517 نئے کیسز رپورٹ

اسلام آباد: ملک میں کورونا وائرس سے مزید 17 افراد جاں بحق ہوگئے جب کہ 1517 مثبت کیسز رپورٹ ہوئے ہیں۔نیشنل کمانڈ اینڈ آپریشن سینٹر کی جانب سے جاری بیان کے مطابق گزشتہ 24 گھنٹوں کے دوران ملک میں کورونا کی تشخیص کے لیے 46ہزار 287 ٹیسٹ کیے گئے جن میں سے 1517 افراد میں کورونا وائرس کی تصدیق ہوئی۔

ملک میں اب تک کورونا کے مصدقہ مثبت کیسز کی تعداد 966,007 ہوگئی ہے جن میں سے 909,525 مریض شفایاب ہو چکے ہیں۔ گزشتہ روز اس وبا نے مزید 17افراد کی زندگیوں کو نگل لیا۔ اس طرح ملک میں اب تک اس وبا سے جاں بحق افراد کی مجموعی تعداد 22 ہزار 469 ہوگئی ہے۔ جب کہ مثبت کیسز کی شرح 3.27 فیصد ہے۔