فلسطین،گاڑی میں نصب بم پھٹنے سے ایک صہیونی ہلاک، دو زخمی

مقبوضہ بیت المقدس:عبرانی ذرائع نے بتایا ہے کہ عسقلان 1948 میں (مقبوضہ فلسطین کے جنوب میں)میں ایک کار بم دھماکے میں ایک اسرائیلی آباد کار ہلاک اور دو دیگر زخمی ہو گئے۔میڈیارپورٹس کے مطابق عسقلان میں یتزحاک بین زوی اسٹریٹ پر کار بم دھماکے کے نتیجے میں ایک شخص ہلاک اور دو دیگر شدید زخمی ہوئے۔ذرائع کا کہنا تھا کہ قابض پولیس کا خیال ہے کہ یہ واقعہ یہودی جرائم پیشہ گروہوں کے درمیان تنازعات کا نتیجہ ہے۔ذرائع کا کہنا تھا کہ اس آپریشن کا ہدف شلوم الدمرانی نامی گینگ کی ایک اہم شخصیت کے قتل کو نشانہ بنایا گیا اور دیگر دو زخمیوں کا تعلق بھی اسی گروہ سے تھا۔قابل ذکر ہے کہ گذشتہ جنوری کے آخر میں تل ابیب(وسطی)کے جنوب میں واقع ریہووٹ بستی کی کارمل سٹریٹ پر ایک کار بم دھماکے میں دو آباد کار زخمی ہو گئے تھے۔چند روز قبل راملہ شہر کے قریب واقع نیس زیوناکی بستی میں ایک کار بم دھماکے میں ایک آباد کار زخمی ہوا تھا۔عبرانی میڈیا کے مطابق حالیہ برسوں میں قابض ملک نے اپنے اندر سرگرم مافیا گروہوں کے درمیان تنازعات کے پس منظر میں قتل و غارت گری اور بم دھماکوں کی لہر میں اضافہ دیکھا ہے۔