ویتنام کی لڑکی نے پاکستان آکر نارووال کے کالج ٹیچر سے شادی کرلی
نارووال (آن لائن) محبت کے ہاتھوں مجبور ویتنام کی لڑکی نے پاکستان آکر نارووال کے کالج ٹیچر سے شادی کرلی، ویتنامی لڑکی نے ایک ہفتہ قبل نارووال پہنچ کر اسلام قبول کیا، اسلام قبول کرنے کے بعد نیا نام آمنہ رکھا۔آمنہ ویتنام میں سکول ٹیچر تھی۔ آمنہ ویتنام نے کہا ہے کہ مذہب اسلام امن بھائی چارے اور رواداری کا درس دیتا ہے۔میڈیا رپورٹس کے مطابق دو سال قبل آمنہ اور پاکستانی نوجوان محمد طاہر نے برج خلیفہ میں نوکری کیلئے درخواستیں دی تھیں، نوکری حاصل کرنے کے مراحل میں دونوں کی آپس میں دوستی ہوگئی، آمنہ اور طاہر دو سال تک انٹرنیٹ پر ایک دوسرے سے بات چیت کرتے رہے اور یوں آمنہ اور طاہر کی دوستی محبت میں بدل گئی اور ایک ہفتہ قبل ویتنامی لڑکی پاکستان چلی آئی۔دلہن آمنہ نے کہا کہ شادی کی خوبصورت رنگارنگ تقریب سے دل خوش ہوگیا، پاکستانی لوگوں سے مل کر اپنائیت کا احساس ہوا، زندگی کے حسین و جمیل لمحات اپنی آنکھوں میں محفوظ کر رہی ہوں، مذہب اسلام امن بھائی چارے اور رواداری کا درس دیتا ہے
