کینیڈا میں برفانی طوفان سے نظامِ زندگی معطل، لاکھوں گھر بجلی سے محروم، تمام اسکول بند

اوٹاوا (آئی این پی) کینیڈا کے صوبہ کیوبک میں برفانی طوفان نے نظامِ زندگی معطل، برفانی طوفان کے باعث تین لاکھ گھر بجلی سے محروم، سخت ترین موسم کی وجہ سے تمام سکولز بند کر دیے گئے غیر ملکی میڈیا کے مطابق کینیڈا کے صوبہ کیوبک میں برفانی طوفان نے نظامِ زندگی معطل کر دیا ، شہر مونٹریال سمیت متعدد شہروں میں برفانی طوفان کے باعث تین لاکھ گھر بجلی سے محروم ہو گئے جبکہ سخت ترین موسم کی وجہ سے تمام سکولز بند کر دیے گئے۔ محکمہ ماحولیات کے مطابق متاثرہ علاقوں میں 25 سینٹی میٹر مزید برفباری کا امکان ہے، سڑکوں پر متعدد حادثات رونما ہوئے مگر کسی جانی نقصان کی اطلاع نہیں ہے۔ برفانی طوفان سے کینیڈا کا مغربی حصہ زیادہ متاثر ہوا ہے۔ مزید برآں صوبہ اونٹاریو کے جنوب مشرقی حصوں سے لے کر نیو برنزویک اور صوبہ نواسکوشیا شدید بارشوں کی لپیٹ میں ہے۔