سعودی عرب میں خواتین کے سوئمنگ سوٹس کے پہلے فیشن شو کا انعقاد

ریاض (مانیٹرنگ ڈیسک) سعودی عرب میں خواتین کے سوئمنگ سوٹس کا اپنا پہلا فیشن شو منعقد کیا گیا، جس میں خواتین ماڈلز نے حصہ لیا۔ ایک سوئمنگ پو ل پر منعقد اس شو میں مراکش کی ڈیزائنر یاسمینہ قنزل کے کام کو پیش کیا گیا تھا جس میں زیادہ تر سرخ، خاکستری اور نیلے رنگ کے شیڈز میں ون پیس سوٹ شامل تھے۔ زیادہ تر ماڈلز کے کندھے ڈھکے ہوئے نہیں تھے اور کچھ کی کمر اورپیٹ کا کچھ حصہ دکھائی دے رہا تھا۔ قنزل نے اے ایف پی کو بتایا کہ ،”یہ سچ ہے کہ یہ ملک بہت قدامت پسند ہے لیکن ہم نے خوبصورت سوئمنگ سوٹ دکھانے کی کوشش کی ہے جو عرب دنیا کی نمائندگی کرتے ہیں،” انہوں نے کہا، "جب ہم یہاں آئے تو ہمیں یہ ادراک تھا کہ سعودی عرب میں سوئمنگ سوٹس کا فیشن شو ایک تاریخی لمحہ ہے، کیونکہ اس طرح کی تقریب یہاں پہلی بار منعقد ہوئی ہے اور یہ کہ اس میں شامل ہونا ایک اعزاز کی بات ہے۔” یہ شو ریڈ سی فیشن ویک ،کے افتتاح کے دوسرے دن سعودی عرب کے مغربی ساحل پر واقع ایک تفریحی مقام ، سینٹ ریجس ریڈ سی ریزورٹ میں منعقد ہوا۔ یہ تفریح گاہ، بحیرہ احمر ریڈ سی گلوبل کا حصہ ہے، جو سعودی عرب کے وڑن 2030 کے سماجی اور اقتصادی اصلاحات کے ان ہم پراجیکٹس میں شامل ہے جنہیں گیگا پراجیکٹس کہا جاتا ہے اور جن کی نگرانی ولی عہد شہزادہ محمد بن سلمان کرتے ہیں۔