تاجکستان نے عینی ایئربیس کو بھارتی فوج سے خالی کروا لیا، دس کروڑ ڈالر کی بھارتی سرمایہ کاری بھی ڈوب گئی

دوشنبے (مانیٹرنگ ڈیسک) تاجکستان نے عینی ایئربیس کو بھارتی فوج سے خالی کروا لیا، دس کروڑ ڈالرکی بھارتی سرمایہ کاری بھی ڈوب گئی۔ غیرملکی میڈیا کے مطابق عینی ایئربیس بھارت کا بیرون ملک واحد فوجی اڈہ تھا،جو 25 برس سے زائد بھارتی فوج کے کنٹرول میں تھی، بھارتی اپوزیشن جماعت کانگریس نے عینی ایئربیس کے انخلا کو بھارت کی اسٹریٹجک ناکامی قرار دیا۔ عینی ایئربیس خطے میں بھارت کی خفیہ سرگرمیوں کا مرکز تھا، مقاصد کے حصول کیلئے بھارت نے ایئربیس پر 10 کروڑ ڈالرکی بھاری سرمایہ کاری بھی کر رکھی تھی۔ بعض ذرائع کے مطابق اس ایئربیس کے ذریعے بھارت نہ صرف افغانستان میں مداخلت کرتا تھا، بلکہ بھارتی حمایت یافتہ دہشت گردوں سے رابطوں کا بھی اہم ذریعہ تھا۔