امریکا کو جان لینا چاہیے ایران کے ساتھ کوئی بھی نئی جنگ علاقائی ہوگی، ایرانی سپریم لیڈر

تہران (مانیٹرنگ ڈیسک) ایران کے سپریم لیڈر آیت اللہ علی خامنہ ای نے امریکہ کو خبردار کیا ہے کہ ایران کے ساتھ کوئی بھی نئی جنگ علاقائی ہو گی، انہوں نے کہا کہ امریکیوں کو جان لینا چاہیے کہ اگر انہوں نے جنگ شروع کی تو اس بار یہ علاقائی جنگ ہوگی۔ ایرانی نشریاتی ادارے (آئی ایس آئی ایس) کے مطابق خامنہ ای امام خمینی کی حسینیہ میں لوگوں کے ایک بڑے ہجوم سے خطاب کر رہے تھے۔ خامنہ ای نے کہا کہ حقیقت یہ ہے کہ وہ کبھی کبھی جنگ کے بارے میں بات کرتے ہیں اور ہوائی جہازوں اور بحری بیڑوں وغیرہ کے بارے میں بات کرتے ہیں، ماضی میں امریکیوں نے اپنی تقریروں میں بارہا دھمکی دی ہے اور کہا ہے کہ جنگ کے آپشن سمیت تمام آپشن میز پر ہیں