کابل پولیس کی کارروائی، 4 اغوا کار ہلاک، تاجر بازیاب

کابل(شِنہوا)افغانستان کے شہر کابل میں پولیس اہلکاروں نے 4 اغوا کاروں کو ہلاک کرنے کے بعد ایک تاجر کو بچا لیا ہے۔کابل پولیس کے ترجمان خالد زردان نے منگل کے روز بتایا کہ اغوا کاروں کا گروہ گزشتہ روز کابل شہر کے علاقہ تیمنی میں ایک تاجر کو اغوا کرنے کی کوشش کر رہا تھا لیکن پولیس اہلکاروں نے 4 اغوا کاروں کو گولیاں مار کر ہلاک اور تاجر کو بازیاب کرا لیا۔طالبان کے زیرانتظام نگران حکومت نے جنگ زدہ ملک کے کونے کونے میں اغوا، منشیات کی اسمگلنگ، مسلح ڈکیتی اور عسکریت پسندی سمیت جرائم پیشہ افراد اور غیر قانونی سرگرمیوں کے خلاف کریک ڈان کرنے کا عزم ظاہر کیا ہے۔