بینک اکاﺅنٹ میں کروڑوں روپے موجودگی کا دعویٰ، مولانا طارق جمیل نے تردید کردی

لاہور (مانیٹرنگ ڈیسک) معروف مبلغ اور مذہبی اسکالر مولانا طارق جمیل کے اکاو¿نٹ میں کروڑوں روپے کی رقم موجود ہونے کا ایک نیا دعویٰ سامنے آیا ہے۔ حال ہی میں نجی ٹی وی چینل نے نے یہ دعویٰ کیا ہے کہ ابتدائی تحقیقات میں یہ بات سامنے آئی ہے کہ مولانا طارق جمیل کے بینک اکاو¿نٹ میں کروڑوں روپے ہیں اور انکے بیٹے بھی ایک ہاو¿سنگ سوسائٹی کے مالک ہیں۔ نجی ٹی وی چینل نے یہ بھی انکشاف کیا کہ مولانا طارق جمیل کے ایک معروف کاروباری گروپ کے ساتھ بھی بہت قریبی تعلقات ہیں اور اس گروپ کے حصص بھی طارق جمیل نے خریدے ہوئے ہیں۔ یہ بھی دعویٰ کیا جارہا ہے کہ مولانا طارق جمیل نے اس ہی گروپ کے دو لوگوں کو پی ٹی آئی کے ٹکٹ دلوانے میں بھی اہم کردار ادا کیا تھا۔ واضح رہے کہ مولانا طارق جمیل کے سابق وزیرِ اعظم عمران خان سے بے حد اچھے تعلقات ہیں۔ عمران خان کے حکومت سے جانے کے بعد جنوری 2023ءمیں سوشل میڈیا پر یہ خبر گردش کررہی تھی کہ فیڈرل انویسٹی گیشن ایجنسی (ایف آئی اے) نے عالم دین مولانا طارق جمیل کے بینک اکاﺅنٹس کو سیل کر دیا ہے ، ان اکاو¿نٹس میں 49 ارب روپے سے زائد کی رقم موجود تھی۔ بعد ازاں ایسی تمام افواہوں کی تردید کردی گئی تھی۔ مولانا طارق جمیل نے بینک اکاو¿نٹ میں کروڑوں روپوں کی موجودگی کے دعوو¿ں پر خاموشی توڑ دی۔ مولانا طارق جمیل نے اپنے ویڈیو پیغام میں یہ کہا کہ وہ خود پر لگے تمام الزامات کی تردید کرتے ہیں اور وہ سب کو کھلی آفر دے رہے ہیں کہ جو بھی چاہے اس معاملے کی تحقیق کروالے۔ انکا کہنا تھا کہ انہوں نے آج تک بے ایمانی کا ایک بھی روپیہ نہیں کھایا اور نہ ہی اپنی اولاد کو کھلایا ، اگر اس عمر میں آکر یہ کام کرنا ہوتا تو انکی 52 سال کی محنت تو ضائع ہوگئی۔ مولانا طارق جمیل نے کہا کہ نہ انکے بینک اکاو¿نٹ میں کروڑوں روپے ہیں اور نہ ہی انکے بیٹے کسی ہاو¿سنگ سوسائیٹی کے مالک ہیں