پاکستان نے آئر لینڈ کو 6 وکٹوں سے ہرا کر تین میچز کی ٹی ٹوئنٹی سیریز جیت لی

ڈبلن (مانیٹرنگ ڈیسک) پاکستان نے آئرلینڈ کو تیسرے اور آخری ٹی ٹوئنٹی میں 6 وکٹوں سے شکست دے کر سیریز 1-2 سے جیت لی۔ڈبلن میں کھیلے گئے 3 میچز پر مشتمل سیریز کے آخری اور فیصلہ کن میچ میں پاکستانی کپتان بابراعظم نے ٹاس جیت کر میزبان ٹیم کو پہلے بیٹنگ کی دعوت دی۔آئرلینڈ نے پہلے کھیلتے ہوئے سات وکٹ پر 178 رنز بنائے، لورکن ٹکر 73 رنز بناکر نمایاں رہے، اینڈی بربرنی نے 35 اور ہینری ٹیکٹر نے 30 رنز بنائے۔پاکستان کی جانب سے شاہین آفریدی نے 14 دیکر تین وکٹیں حاصل کیں، عباس آفریدی نے 2، عماد وسیم اور محمد عامر نے ایک ایک وکٹ حاصل کی۔جوابی اننگز میں اوپنر صائم ایوب 14 رنز بناکر آﺅٹ ہوگئے، پھر کپتان بابر اعظم اور محمد رضوان نے 139 رنز کی شراکت بنا کر ہدف آسان بنادیا۔محمد رضوان 56 رنز بناکر آو¿ٹ ہوئے، بابر اعظم نے 42 گیندوں پر 75 رنز بنائے، اعظم خان نے صرف 6 گیندوں کا سامنا کیا اور 18 رنز بناکر ناٹ آﺅٹ رہے۔ پاکستان نے ہدف 18گیندوں قبل حاصل کرکے تین میچوں کی سیریز 1-2 سے جیت لی۔