2030 تک پاکستان 60 فیصد قابل تجدید توانائی ذرائع پر منتقل ہوجائےگا، وزیراعظم

وزیراعظم عمران خان نےکہا ہےکہ دنیا کے 10 فیصد ملک 80 فیصد ماحولیاتی تبدیلیوں کے ذمہ دار ہیں۔سعودی دار الحکومت ریاض میں مڈل ایسٹ گرین انیشیٹو کانفرنس سے خطاب کرتے ہوئے وزیراعظم نےکہا کہ حکومت پاکستان ماحولیاتی تبدیلیوں سے نمٹنے کیلئے اقدامات کر رہی ہے ، 2030 تک پاکستان 60 فیصد قابل تجدید توانائی ذرائع پر منتقل کر دیا جائے گا ۔برطانوی وزیراعظم کا پاکستان میں شجرکاری کے منصوبوں پر عمران خان کو سلیوٹ10 ارب درخت لگانےکا ہدف پورا کرنا ہے، وزیراعظم عمران خان کا کہنا تھا کہ 10بلین ٹری سونامی منصوبے کا مقصد قدرتی طریقے سے ماحولیاتی چیلنجوں پر قابو پانا ہے، 2023 تک ایک ارب مینگروز کے درخت لگائے جائیں گے۔ان کا کہنا تھا کہ ماحول کے تحفظ کے لیے ہزاروں افرادکو روزگار کے مواقع فراہم کیےگئے، پاکستان دنیا کا واحد ملک ہے جو ماحولیاتی تحفظ کے لیے44 فیصد سرمایہ کاری کر رہا ہے۔ انہوں نے مزید کہا کہ عالمی حدت میں دن بدن اضافہ ہورہاہے،موسمیاتی تبدیلیوں کے باعث دنیا بھر میں گلیشیئرز تیزی سے پگھل رہے ہیں،دنیا کو ماحولیاتی مسائل سے نمٹنے کے لیے سنجیدگی کا مظاہرہ کرناہوگا۔

اپنا تبصرہ بھیجیں