فوجی عدالتوں میں سویلین کا ٹرائل، اعتزاز احسن نے سپریم کورٹ میں درخواست دائر کردی

اسلام آباد (آن لائن) سپریم کورٹ میں سویلین کے فوجی عدالتوں میں ٹرائل کیخلاف اعتزاز احسن نے درخواست دائر کردی ہے۔درخواست اعتزاز احسن کی طرف سے وکیل سلمان اکرم راجہ نے دائر کی ہے۔ درخواست میں موقف اپنایا گیا ہے کہ وفاقی حکومت نے فوجی عدالتوں میں ٹرائل کے کور کمانڈر کانفرنس فیصلہ پر ربڑ اسٹمپ کا کردار ادا کیا،سویلین کا ٹرائل آرمی ایکٹ کے سیکشن 2 اور 59 آئین سے متصادم ہیں،آرمی ایکٹ کا سیکشن 94 اور 1970 کے رولز غیر مساوی ہے۔درخواست میں عدالت عظمی سے استدعا کی گئی ہے کہ سویلین کا فوجی عدالتوں میں ٹرائل کو غیر آئینی قرار دینے سمیت آرمی ایکٹ قانون کے سیکشن 2 اور 59 کو کالعدم اور سیکشن 94 اور رولز کو بھی غیرآئینی قرار دیا جائے، انسداد تخریب کاری کی عدالتوں کے ملزمان کو عسکری حکام کے حوالے کرنے کا فیصلہ کالعدم قرار دیئے جائیں اور عسکری حکام کے حراست میں دئیے سویلین کی رہائی کا حکم دیا جائے۔درخواست میں شہباز شریف، خواجہ آصف، رانا ثنا اللہ، عمران خان، پانچوں آئی جیز ، تمام چیف سیکرٹریز، وزارت قانون، داخلہ، دفاع، کابینہ ڈویڑن کو فریق بنایا گیا ہے۔