خواتین کو تحفظ دینے تک افغان حکومت کیساتھ تعلقات معمول پر نہیں آسکیں گے، امریکا

واشنگٹن (آئی این پی)ا مریکی وزیرخارجہ انٹونی بلنکن نے اپنے بیان میں کہا ہے کہ افغان حکومت نے وعدے کیے، مگر پورے نہیں کیے۔ افغان حکام کو وعدوں کے لیے جوابدہ ٹھہرانے کے لیے کام جاری رکھے ہوئے ہیں۔ بلنکن نے کہا کہ جب تک خواتین کو تحفظ نہیں دیا جائے گا افغان حکومت کیساتھ تعلقات معمول پر نہیں آسکیں گے۔ انہوں نے کہا کہ 2 برس میں تقریباً 34 ہزار افغان شہریوں کو خصوصی امیگرنٹ ویزے جاری کیے گئے جبکہ اگست 2021ءسے اب تک 1.9 بلین ڈالر افغان عوام کی امداد کے لیے عطیہ کیے،امریکی وزیرخارجہ انٹونی بلنکن کا کہنا تھا کہ افغانستان میں شراکت داروں کے ساتھ وعدوں کی تکمیل پر پیشرفت جاری ہے۔