غزہ میں اسرائیلی حملوں میں شہید ہونے والوں کی چوتھی اجتماعی قبر

غزہ (صباح نیوز)غزہ کی پٹی میں اسرائیلی فوج اور فلسطینی مزاحمتی دھڑوں کے درمیان محصور پٹی میں کشیدگی کے چار ہفتے مکمل ہو گئے۔ اسرائیلی بمباری کے باعث غزہ میں مزید شہدا کی اطلاعات ہیں جسکے بعد غزہ میں چوتھی اجتماعی قبر بن گئی ہے۔تازہ ترین پیش رفت میں فلسطینی میڈیا نے اسرائیلی بمباری کی اطلاع دی جس میں غزہ شہر میں بچوں کے لیے الناصر ہسپتال کے داخلی دروازے اور پٹی کے جنوب میں رفح میں محلوں کے واٹر سپلائی کے ٹینک کو نشانہ بنایا گیا۔اسرائیلی فوج کے طیاروں نے غزہ کی پٹی کے کئی علاقوں پر دوبارہ بمباری کی۔ فلسطینی ٹیلی ویژن نے اس بمباری کو شدید ترین قرار دیا ہے۔غزہ کی پٹی کے شمال میں بیت لاھیا اور پٹی کے مغرب میں الناصر محلے کو نشانہ بنایا، جس میں سات افراد شہید ہو گئے۔ اسرائیلی بمباری میں 20 سے زیادہ زیتون محلے پر بمباری کی گئی۔اسرائیلی فوج نے غزہ کی پٹی کے جنوب میں واقع شہر خان یونس اور اس کے مشرق میں القاررہ کے علاقے میں متعدد حملے کیے جن میں درجنوں افراد شہید اور زخمی ہوئے۔دوسری جانب عرب میڈیاکے مطابق کہ اسرائیلی فوج اور حماس کی ایلیٹ فورس کے ارکان کے درمیان زیکیم فوجی اڈے کے ارد گرد جھڑپیں ہوئیں۔ یہ علاقہ عسقلان شہر کے ساحل کے قریب ہے۔ اس سے قبل اسرائیلی فوج کے ترجمان ڈینیئل ہاگری نے کہا تھا کہ جنگ کے آغاز سے لے کر اب تک اسرائیل حماس کے 10 رہنماوں کو جاں بحق کرچکا ہے۔دوسری جانب القسام بریگیڈز نے اعلان کیا ہے کہ وہ تل ابیب کو راکٹوں سے نشانہ بنا رہے ہیں۔ آئرن ڈوم سسٹم نے تل ابیب اور وسطی اسرائیل کے شہروں کی طرف داغے گئے متعدد میزائلوں کو روک دیا۔دوسری جانب فلسطینی نیوز اینڈ انفارمیشن ایجنسی نے مقامی ذرائع کے حوالے سے بتایا ہے کہ اسرائیلی طیاروں نے العطرہ، السودانیہ اور شمالی بیت لاھیا کے علاقوں کو نشانہ بنایا۔ایجنسی نے مزید کہا کہ طیارے نے بیت حانون، جبالیہ، الناصر محلے، غزہ شہر میں انڈونیشین ہسپتال کے قرب وجوار، شہر کے مشرق میں واقع التفاح محلے اور نصیرات اور بریج کیمپوں میں گھروں کو نشانہ بنایا،دریں اثناء عالمی ادارہ اطفال یونیسیف نے کہا ہے کہ اسرائیل نے غزہ کو فلسطینی بچوں کا قبرستان بنادیا،غزہ کی پٹی پر اسرائیل کے وحشیانہ فضائی، زمینی اور سمندری حملوں میں شہید فلسطینیوں میں 3 ہزار 826 بچے بھی شامل ہیں۔عالمی ادارہ اطفال یونیسیف نے کہا ہے کہ غزہ کی پٹی فلسطینی بچوں کا قبرستان بن چکی ہے،ادارے نے اسرائیل بمباری میں بچوں کی بڑھتی ہوئی ہلاکتوں پر افسوس اور دکھ کا اظہار کرتے ہوئے اس کارروائی کی مذمت کی ہے ۔